اى بى ارينا
شن أمير مرتضى منصور نجل رئيس نادي الزمالك هجوماً على أحمد حسام "ميدو" المدير الفني السابق للفريق وذلك بعد تصريحاته عقب إقالته من منصبه.
وقال "أمير" في تصريحات لقناة "النهار اليوم" : "أي حد عايز يخبط في مرتضى يتكلم على أحمد وأمير ، انا مبدخلش على أي مواقع ولا بشوف إنتقادات".
وواصل نجل مرتضى منصور حديثه : "ميدو شهادتي مجروحة فيه ، هو عايز يدخل في خصومة معايا ومع أحمد شخصياً وكان شايف ان مرتضى منصور رئيس نادي وبعدين قال أنه أسوأ رئيس نادي".
وأضاف : "انت ليه داخل في خصومة معايا ليه وانا مليش علاقة ، لما بيحصل حاجة بينه وبين مرتضى كان بيكلمني وانا مبكلمش حد ، وكان بيطلب مني حاجات واقول مرة اقولها جيه مكتب المحاماة وطلب اني ابقى مدير كورة معاه ومرتضى منصور قاله ابعد عن امير".
وأكمل حديثه : "ميدو كلم حازم إمام على اني ابقى مدير كورة معاهم وحازم كان مرحب جداً وامير لما كنا بنحتاج حاجة كان بيساعدنا وفجأة من اليمين للشمال عشان مشي من النادي"
واستكمل : "هقول على حاجة تانية برضه اول مرة اقولها ، اخو مراتي اسمة محمد خليفة واتغير عليه 7 اجهزة من حلمي طولان لميدو ولم اتدخل عشان يلعب في الفريق لو لعب بمجهوده اهلا وسهلاً لو مش قد الفريق يمشي ، احنا جينا لقيناه في النادي".
