فاروق رجل قارب الـ 60 من عمره صمم قفص بداخله دمية للرئيس المعزول محمد مرسى ترتدى بدلة الإعدام الحمراء، علقها على حبل المشنقة وكتب على القفص “غرفة الإعدام” معلق عليه شبشب قائلا :”أنا شاركت فى ثورة 25 يناير و30 يونيه وشفت إهانات من الإخوان وكسروا لى دراعى فمن كتر كرهى لهم وخاصة الرئيس المعزول اللى خرب البلد وورطنا وكان عايز يخلينا زى سوريا والعراق عملت كده “
وأضاف :” احنا بنشكر الرئيس عبد الفتاح السيسى ليل ونهار إنه لحقنا قبل ما تحصل الكارثة دى إحنا دلوقتى بنام واحنا مطمنين بناكل وبننام شبعانين .. إن كان فيه شوية غلاء أسعار نستحملهم عشان نحقق النهضة لأن مرسى سابها مخروبة “
وعن تصميمه للقفص يقول :”اشتريت قفص عصافير وعشان أنا ترزى خيطت عروسة وحطيت عليها صورة مرسى وكتبت على القفص “غرفة الإعدام” لأن ده المكان الوحيد اللى يستحقه لأنه أذى مصر وأذى شعبها”
وعن أمنيته الوحيدة يقول :” أنا عايز بس الحكومة تهتم بيا لأنى اتصابت و اتكسرت فى الثورة ومش عارف أشتغل دلوقتى “
المصدر : Nile Star News + فيديو7
