 |
| مصطفى بكري |
انتقد الإعلامي مصطفى بكري، التعامل الأمنى مع أحداث مجزرة استاد الدفاع الجوي، والتى أودت بحياة 21 شابا من جماهير الزمالك، قائلا:" لما يموت 21 شابا من نبت أرض مصر، ولما الناس تختنق بالغاز، يبقى فيه حاجه غلط".
وتسائل بكري ـ خلال حلقته اليوم من برنامج "حقائق وأسرار" المذاع على فضائية "صدى البلد" ، قائلا:" من كان المسئول عن ضرب القنابل دي .. الناس كانت محشورة بين سورين وضربوا عليهم غاز علشان تزهق الأرواح".
ووجه بكري رسالة لوزير الداخلية ، قائلا: " بأي معنى يا وزير الداخلية الشباب دول يموتوا، وده مكنش خطأ غير مقصود، ده كان خطأ مقصود، لأن اللي ضرب القنبلة كان عارف إن قنبلة واحدة والناس محشورة ممكن تموت".
وأضاف: " حد يقولى فى البلد دي إيه اللى بيحصل وإزاي هنام ..أوعى حد يفتكر فى البلد دي إننا عشان مع الدولة ومؤسساتها.. لو هنام عن الخطأ يبقي معندناش ضمير وأصبحنا مطايا .. زمن الديكتاتورية إنتهى وإحنا بنقول مفيش ديكتاتور فى مصر "، مستطردا:" إلى متى يا سيادة الرئيس سننتظر نتائج التحقيقات".
المصدر : Nile Star News+الدستور
