أشاد الإعلامى مفيد فوزي بأداء الإعلامية إيمان عز الدين، وإدراكها للأحداث التى تجري على أرض الواقع، واهتمامها بقضايا المواطن البسيط.
وقال "فوزي"، فى مداخلته الهاتفية ببرنامج « بصراحة» على قناة «التحرير»، إنني "قضيت 20 عاما بدوس شوارع مصر فى برنامج حديث المدينة وكنت لما بقابل مسئول «بيطلسم» كنت بعرفه، كنت بعرف أنه بيغطي على حاجه لما يفشل يقول إن شاء الله هنعمل واحنا عملنا وتكون الدنيا قدامي متبهدلة".
وتابع فوزي: «رئيس المدينة اللى انتى كنتى عاملة معاه المداخلة ده يا إيمان كان بيطلسم على رئيس الوزراء والرئيس، عمال يقول إن شاء الله هنحل المشكلة وبنبعت عربيات مياه للناس لحد ما مشكلة المياه ما تتحل، وهو باين عليه إنه كذاب كذاب»، وكرر فوزي كلمة «كذاب» مرتين وهو يصرخ ومنفعل جدا.
وأضاف فوزي، وهو يصرخ،: «نفسي أخنق بإيدي وزير التنمية المحلية عادل لبيب ده، نفسي أخنقه وأقله اختار ناس نضيفة، اختار ناس ينفع تشتغل، ناس متفضلش تقول كله تمام، وتعترف إن عندها مشاكل تبطل طلسمة، تقول محتاجين فلوس محتاجين مشاريع».
واختتم فوزي، مداخلته الهاتفية بتهنئة الإعلامية إيمان عز الدين بالعام الجديد، ومشيدا بها قائلا: « أنا هديكي رتبة بعد ما سمعتك، أنا مصدقك يا إيمان».
المصدر : Nile Star News+ صدى البلد
