هاشتاج "#ليه_هنتخب_مرتضى" "يشعل تويتر.. ومغردون: أول أهدافه الزمالك ياخد الدورى

قام عدد من نشطاء موقع التواصل الاجتماعى "تويتر" بتدشين هاشتاج جديد بعنوان "#ليه_هنتخب_مرتضى"، وذلك عقب إعلان المستشار مرتضى منصور، ترشحه لرئاسة الجمهورية، حيث تناول النشطاء انتخاب مرتضى الكثير من التعليقات.

وقال Sabry hossam هنتخبه راجل متقدم وبطل مستندات من زمان ومواكب التطور وشغال بالسيديهات، زي ما دمر الزمالك في سنتين يقدر يدمر مصر في شهرين، بينما قالت كل من Reham Ali و Nuri falous عشان الزمالك يكسب الدوري.

بينما جاء تعليق Eman abd el razek هنتخبه علشان أخلاقه عالية والعيب ميطلعش منه .. وخجله طاغي ع شخصيته.

و فى نفس السياق علق MiDo ElshrkAwy قائلا: هنتخبه عشان زملكاوى و هيطلع للى مضايقنا سيديهات واديلو فى المستندات.

واضاف Hassan mohamed: عشان هيلغـى جول مجدى عبد الغنـى.

فقال Sameh Nabil :هنتخب مرتضى بدل ما يطلعلي السي دي بتاع اختي، واكتشف ان اختي متجوزة عرفي، وعندها عيال مع أن أنا ماعنديش إخوات بنات أساساً.

فيما اعتبرت Noha Sayed رئاسة مرتضى منصور لنادى الزمالك كافية لانتخابة كرئيس ليكون بعدها رئيس لكل اندية مصر، وليس الزمالك فقط.

هذا المحتوى من :