 |
وقال "مبارك"، في حديث مع طبيبه الخاص وفقاً للتسجيلات الصوتية التي انفردت بنشرها الزميلة "اليوم السابع": "كانوا بيشترطوا في أي صناعة بتصنعها عندك تاخد مكونات من إسرائيل بنسبة ٨ أو ١٠٪.. قلت لشارون لا ده كلام فارغ فكان عندي الاتنين قال لي أنا هبعت النائب بتاعي يوم الخميس".
وواصل: "جه ومعاه موافقة بأن المصانع المصرية تصدر بالكامل دون مكونات إسرائيلية وبدأت مصانع العاشر من رمضان والسادس من أكتوبر وبرج العرب يصدروا لإسرائيل مدينة السادات".. قاطعه مجددا طبيبه "أحمد عز كان بيصدر الحديد هناك".. رد مبارك :"عز وأبو العينين كانوا بيصدروا السيراميك هناك كله من غير جمارك لأن لو صدرنا بجمارك الصين تضربنا هما اتعظوا بقى - الأمريكان- من الضغط عليهم من إسرائيل لأنهم كانوا عايزين اتفاقية تجارة حرة بالكامل وتبادل خبرات الدكاترة الأمريكان ييجوا يشتغلوا والمحاسبين الأمريكان".
استوقفه الطبيب الخاص وسأله: "أنا سمعت الكلام ده قالوا لنا هيجلكوا دكاترة ومهندسين من أمريكا وإسرائيل وبتاع ومكناش هنلاقي مستشفيات ولا عيادات نشتغل فيها ومش هنلاقي شغل؟ يرد مبارك: "ادي بقي الوزير رشيد في إشارة إلي وزير التجارة والصناعة الأسبق رشيد محمد رشيد قعد يقوي خلص خلص ولزق في الكويز لكن أنا في النهاية أخذت اللي أنا عايزه أنا كنت عايز أصدر ومش عايز منهم حاجة والبعد عن الشر غنيمة وضحكت عليهم".
