أكد الشاعر هشام الجخ أن "الأوضاع فى عهد الرئيس السابق كانت مزرية بسبب سياساته، ولكن الفرق بينه وبين محمد مرسى، أن مرسى فى بداية حكمه أساء إلى نفسه باختيار المنافقين حوله وهو يعيد خطوات مبارك، وأكد أن قصيدة "مشهد رأسى" تعبر عن ميدان التحرير الذي لا تفارقه صورته".
وشدد الجخ، لبرنامج "فى الميدان" الذى تقدمه الإعلامية رانيا بدوى على قناة "التحرير"، على أن "صعيد مصر تغير عن الماضي في الخدمات، ولكن فى عصر الإخوان نعود للوراء مره أخرى"، موضحا أنه لا ينتقد جماعة الإخوان نفسها لكنه معترض على الإخوان المتواجدين فى مؤسسة الرئاسة.
وتساءل: "لماذا نزلت قوى مؤيدة للرئيس مرسي يوم الجمعة، هل ليظهروا للرئيس أن من سينزل يوم 30 يونيو ليس هم الشعب، ثم من الذي نزل أمام الاتحادية وأحدث العنف وقت اعتصامنا، وكسروا الخيام، فكيف يسمون تظاهرتهم بأنها جمعة "لا للعنف"؟".
وواصل قائلاً: "الناس اللي نازلة يوم 30 جعانين، الناس نازلة عشان الجوع أقوى من الخوف، ومش نازلين يتفسحوا دول نازلين يعترضوا على رئيس، واللي نازل ممكن يتعرض للضرب".
ثم وجه رسالته للرئيس مرسي قائلاً: "ياريس الناس جعانة مافيش "مطب" اتردم من ساعة ما حضرتك بقيت ريس، أنا بكلمك في كلام تافه، مفيش حاجة الناس حست الثورة عملتها، أنا ياريس اللي بقولك أنا اللي كنت بدعمك أنا اللي جيت مقر الإخوان برجلي من غير ما تبعتولي عربية وقلت أنا مش إخوان وبدعم الرئيس محمد مرسي، راجع الفيديوهات اللي عندك من الناس اللي كانت بتدعمك هتلاقي فيديو صغير كده ليا فيه هشام الجخ وهو بيدعمك".
وأضاف: "يا ريس الناس بتتثبت بالليل الساعة 11 والشعب المصري ياسيادة الريس غير آمن، وأنا من حقي أطلع أعترض عليك ومش من حق أي حد حواليك إنه يمنعني أو يكفرني، مش من حق الشيخ اللي كان واقف جنبك إنه يكفرني"
